About Jitna Diya Sarkar Nay Mujh Ko

Artist: Syed Manzoor Ul Kounain Shah

This famous Naat is written by Maulana Kausar Niazi مولانا کوثر نیازی and composition belongs to King of Naat Khawani Syed Manzoor Ul Konain Shah Sb.

Jitna Diya Sarkar Nay Mujh Ko Itni Meri Auqat Nahin
Ye Tou Karam Hai Unka Warna, Mujh Mai Tou Aisee Bat Nahin

Ye Tou Karam Hai Unka Warna..

Zikr e Nabi Main Jo Din Guzray, Wo Din Sb se Behtar Hai
Yad e Nabi Main Rat Jo Guzray, Uss Se Behtar Rat Nahin

Ye Tou Karam Hai Unka Warna..

Munkir Hai Jo Un Kee Atta Ka, Wo Ye Bat Bataye Tou
Kon Hai Wo Jis K Daman Main, Uss Darr Kee Kherat Nahin

Ye Tou Karam Hai Unka Warna..

Ishq e Shah e Batkha Se Pehle, Muflis o Khasta Haal Tha Main
Nam e Muhammad K Mai Qurban, Abh Wo Mere Halaat Nahin

Ye Tou Karam Hai Unka Warna..

Tu Bhi Wahin Par Ja K Jahan Par, Sb Kee Bigri Banti Hai
Eik Teri Taqdeer Banana, Un K Liye Koi Bat Nahi

Ye Tou Karam Hai Unka Warna..

Jo Hai Meri Jan o Eman, Kiya Mai Un Kee Nazar Karon
Pas Mere Ashkon K Elawa, Aur Koi Soghat Nahin

Ye Tou Karam Hai Unka Warna..

Sarwar e Alam K Rozay Se, Mujh Ko Lipat Kar Ronay Do
Bus Mai Nahin Hai Josh e Mohabbat, Qaboo Mai Jazbat Nahin

Ye Tou Karam Hai Unka Warna..

Ghor Tou Kar Sarkar Kee Tujh Par, Kaisee Khas Innayat Hai
Kosar Tu Hai Un Ka Sana Khawan, Ye Mamooli Bat Nahi

Ye Tou Karam Hai Unka Warna, Mujh Mai Tou Aisee Bat Nahin