Mere Dil Mein Hai Yaad-e-Muhammad Naat Download

Mere Dil Mein Hai Yaad-e-Muhammad, listen online mp3 naat in the voice of Sana Syed. Read naat lyrics of Mere Dil Mein Hai Yaad-e-Muhammad.

Meray Dil Mein Hai Yaad e Muhammad Naat Lyrics

Mery dil mein hai Yaad-e-Muhammad, Mery honton py zikr-e-Madina

Tajdar-e-haram ke karam sy, agaya zindaghi ka qareena

 

Dil shakista hai mera hai tu kiya gham, is mein rehty hain Shah-e-do-alam

Jab se mehman hue hain wo dil mein dil mera ban gaya hai Madina

 

Mujh ko tofaan ki moajon ka kiya dar wo guzar jaye ga rukh badal ker

Na Khuda jab mery hain Muhammad, Kaisay doobay ga mera safeena

 

Main gulaman-e-gulaman-e-Ahmed main sag-e-astaan-e-Muhammad

Qabil-e-fakhr hai maut meri qabil-e-rashk hai mera jeena

 

Unki chashm-e-karam ki atta hai meray seenay main un ki Ziyaah hai

Yad e Sultan e Taiba ke sadqay mera seena hai Misl-e-Madina

 

Dolat-e-ishq se dil gahni hai, meri qismat hai raksh-e-sikandar

Midhat-e-Mustufa ki badulat mil gaya hai mujhy yeh khazina

 

Mery dil mein hai Yaad-e-Muhammad, Mery honton py zikr-e-Madina

Tajdar-e-haram ke karam sy, agaya zindaghi ka qareena