About Aj Sik Mitran Di Wadheriye Ae

Artist: Syed Fasihuddin Soharwardi

Listen online and download mp3 naat Aj Sik Mitran Di Wadheriye Ae in the voice of Syed Fassehuddin Soharwardi. This is very famous kalam of Peer Mehr Ali Shah Sahab.

اج سک متراں دی ودھیری اے

کیوں دلڑی اداس گھنیری اے

لوں لوں وچ شوق چنگیری اے
اج نیناں لائیاں کیوں جھڑیاں

فسکرت ھنا من نظرتہ
نیناں دیاں فوجاں سر چڑھیاں

مکھ چند بدر شعشانی اے
متھے چمکدی لاٹ نورانی اے

کالی زلف تے اکھ مستانی اے
مخمور اکھیں ہن مدھ بھریاں

اس صورت نوں میں جان آکھاں
جانان کہ جان جہان آکھاں

سچ آکھاں تے رب دی شان آکھاں
جس شان تو شاناں سب بنیاں

دسے صورت راہ بے صورت دا
توبہ راہ کی عین حقیقت دا

پر کم نہیں بے سوجھت دا
کوئی ورلیاں موتی لے تریاں

ایہہ صورت ہے بے صورت تھیں
بے صورت ظاہر صورت تھیں

بے رنگ دسے اس مورت تھیں
وچ وحدت پھٹیاں جد گھڑیاں

حجرے توں مسجد آو ڈھولن
نوری جھات دے کارن سارے سکن

اوہا مٹھیاں گالیں الاو مٹھن
جو حمرا وادی سن کریاں

سبحان اللہ ما اجملک
ما احسنک ما اکملک

کتھے مہر علی کتھے تیری ثنا
گستاخ اکھیں کتھے جا اڑیاں