Mehshar Mein Naat by Muzaffar Warsi

Mehshar Mein Naat Lyrics

Mehshar mein Qurab e Dawar e Mehshar mila mujhay
Aisa Piyamberon ka Piyamber mila mujhy

Allah ko sunany laga Naat e Mustufa
Jab saya e Rasool ka mimbar mila mujhay

Khilti mehakti bheeghti ratoon ke morr per
Wo Hujra e Darood mein akser mila mujhy

Main wadi e Haram tak use dhondnay giya
Awaz de tu apne he andar mila mujhay

Qadmoon mein mustufa ke raha jitne din raha
Pardais mein bhi kitna haseen ghar mila mujhay

Dekha jo gark ho ke Muhammad ki zaat mein
Donu jahan ka Markaz o Mehwar mila mujhay

Mangay thay chand phool baharain aataa huwen
Jo kuch mila bisaat se barh ker mila mujhy

Ek subh se tehar gaye mere wajood mein
Jis din se un ka ishq Muzaffar mila mujhy

Mehshar mein Qurab e Dawar e Mehshar mila mujhay
Aisa Piyamberon ka Piyamber mila mujhy

Kalam written and recited by Muzaffar Warsi