Kis Tarah Chand Nagar Tak Pohnchun By Zabeeb Masood

Kis Tarah Se Chand nagar tak Pohnchun mp3 naat recited by Syed Zabeeb Masood Shah.

Kis Tarah Chand Nagar Tk Lyrics

Poet Hafeez Taib

کس طرح چاند نگر تک پہنچوں
آپ بلوائیں تو در تک پہنچوں

چومتے چومتے قدموں کے نقوش
آپ کی راہگزر تک پہنچوں

شبِ غم سے کسی صورت نکلوں
اور دامانِ سحر تک پہنچوں

میں کہ غربت کے سفر میں ہوں مدام
اک اشارہ ہو تو گھر تک پہنچوں

میں کہ ہوں آہِ پریشاں آقا
اذن ہو بابِ اثر تک پہنچوں

میں کہ آنسو ہوں مگر خاک کا رزق
کاش معراجِ نظر تک پہنچوں

ایک پتھر ہی سہی میرا وجود
لیکن اس آئینہ گھر تک پہنچوں

ڈھانپ لے عیب میرے خاکِ بقیع
ایسے انجامِ سفر تک پہنچوں

شاعر۔ حفیظ تائب