Khudi Ka Sirr E Nihan La Ilaha Illa Allah خودی کا سرِ نہاں لا الہٰ الا اللہ

خودی کا سرِ نہاں   لا الہٰ الا اللہ
خودی ہے تیغِ فساں  لا الہٰ الا اللہ

یہ دَور اپنے براہیم کی تلاش میں ہے
صنم کدہ ہے جہاں  لا الہٰ الا اللہ

یہ نغمہ فصلِ گل ولالہ کا نہیں پابند
بہار ہو کہ خزاں لا الہٰ الا اللہ

کیا ہے تو نے متاعِ غرور کا سودا
فریبِ سودوزیاں لا الہٰ الا اللہ

اگرچہ بُت ہیں جماعت کی آستینوں میں
مجھے ہے حکم اذاں لا الہٰ الا اللہ

خودی کا سرِ نہاں   لا الہٰ الا اللہ
خودی ہے تیغِ فساں  لا الہٰ الا اللہ