Download Dil Dard Se Bismil Ki

Description

دل درد سے بسمل کی طرح لوٹ رہا ہو
سینہ پہ تسلی کو تیرا ہاتھ دھرا ہو

گر وقت اجل سر تیری چوکھٹ پہ جھکا ہو
جتنی ہو قضا ایک ہی سجدہ میں ادا ہو

آتا ہے فقیروں پہ انہیں پیار کچھ ایسا
خود بھیک دیں اور خود کہیں منگتے کا بھلا ہو

تم کو تو غلاموں سے ہے کچھ ایسی محبت
ہے ترک ادب ورنہ کہیں ہم پہ فدا ہو

ڈھونڈا ہی کریں صدر قیامت کے سپاہی
وہ کس کو ملے جو ترے دامن میں چھپا ہو

دیکھا انہیں محشر میں تو رحمت نے پکارا
آزاد ہے جو آپ کے دامن سے بندھا ہو

دے ڈالئے اپنے لب جاں بخش کا صدقہ
اے چارہء دل درد حسن کی بھی دوا ہو

صلی اللہ علیہ وآلہ وسلم

از حسن رضا بریلوی رحمۃ اللہ علیہ