Main Chup Khara Hua Hoon

Main Chup Khara Hua Hoon Darbar e Mustafa Mein
Aankhon Se Bolta Hoon Darbar e Mustafa Mein

Mera Wajood Jese Gum Ho Ke Reh Gaya Hai
Khud Se Bichar Gaya Hoon Darbar e Mustafa Mein

Mehsoos Ho Raha Tha Sadiyan Simat Gayi Hain
Kuch Der Hi Raha Hoon Darbar e Mustafa Mein

Kya Ab Bhi Mere Rab Ka Mujh Par Karam Na Hoga
Ab To Main Aa Gaya Hoon Darbar e Mustafa Mein

Aansoo Nidamaton Ke Hain Chashm e Tar Se Jari
Chup Chup Ke Ro Raha Hoon Darbar e Mustafa Mein

Allah Meri Qismat Barsaat Rehmaton Ki
Aankhon Se Dekhta Hoon Darbar e Mustafa Mein..